做留学生的差距咋就这样大涅？ ----转贴一篇上海话写的东西

纳兰 · 发表于 2005-12-16 19:05

马上注册，结交更多好友，享用更多功能，让你轻松玩转社区。

您需要登录才可以下载或查看，没有账号？注册

x

格一腔看到网上一则新闻讲两个中国去加拿大读书格小开勒海酒吧间帮几个越南赤佬搞七捻三，隔手两家头就拨伊拉用枪弄死脱了！我勿晓得格桩事体到底是哪能嘎格，但是搞勿清爽为啥体嘎许多人恶狭狭格讲迭两个翘脱格小囡，反倒帮格几只越南赤佬叫好。随便哪能，人死脱总归是作孽格。里厢一个小人格爷老头子勒海追悼会浪厢格悼词我阿看到了，阿真是前世里作孽。老古话讲：癞痢头儿子自家好。小囡到底是身浪厢一块肉，人没了，钞票再多阿无啥啥了。再讲伊拉格把年纪，生勿生得出啊勿晓得。拨阿拉阿娘讲起来就是：jinjin zeigo啊（真真罪过啊！）

勿管哪能，做爷娘格勿好太宝贝小人。啥格嘎小格小鬼头就间奔驶，爷老头子还讲伊拉蹲了外头吃了交关苦头，困过地下室，etc，瞎三话四！到现在还拎勿清爽问题出勒啥地方，闷脱。勿晓得世界上还有多少迭能嘎贱格爷娘，认为欢喜小人就是要多拨伊钞票，讲到底就是寿啦！小囡闯祸讲起来是天数，毕过爷娘从小没做过规矩个小人总有一天要吃轧头格。

两个小囡阿有点寿头怪气，有铜钿嘛为啥体要嘻嘎嘎露拨人家看呢？爷老头子扒分阿不容易啊！听讲伊拉去一趟酒吧就吃脱500多加币，还急吼拉吼抢了帮人家结帐，侬讲寿伐？两只脱底棺材，那阿哥插那2块澳币一杯格咖啡阿只闻过味道。而且阿拉娘讲过，酒吧间侪是勿二勿三格人去白相格，好小人去了要轧坏道格。格点伊拉爷娘为啥体没搭伊拉讲过？阿是伊拉拿爷娘格闲话当屁弹过算数？

同样是做人，差距为啥体嘎大呢？虽然有帮子有铜钿人家格小人读书烂糊三鲜汤，钞票多的来一天世界，大部分留学生还是过勒邪气做人家格。譬方讲我，勿要讲轿车，旧脚踏车阿是到跳蚤市场帮一个老头子捣了半天浆糊才买下来格。蹲了澳大利亚，假使每天乘公交车去打工读书，一个号头格交通费阿要100多块，想想阿嚇煞人，逃票拨捉牢搔头格样子侬讲戆伐？

再讲吃饭。当然是自家开伙仓咯！最对胃口阿最省钞票格吃饭应该是熟泡面了，假使讲一箱箱买格闲话，价钿只比中国格贵一倍半。我觉着吃熟泡面阿是有讲究格。最浪费格吃法就是面捞光，汤勿吃几口就掼脱了，格能嘎而且又吃勿饱。我一般有两种吃法：第一种是面吃光后，摆块饭进去，捣捣伊吃；还有种更加灵格办法是光泡饭，面留勒海做夜点心。另外，我勒海屋里厢格辰光一般性一天两顿饭，早浪厢10点半第一顿，夜到5点半一顿，要是吃格是熟泡面格闲话，黯眼辰光还好有的一顿夜点心。要是去读书或者打工呢，我就出门前头一顿，中浪厢吃根香蕉，或者吃两粒糖混过去算了，夜到到屋里总归要八、九点钟了，觉着肚皮阿勿饿，大概是饿过头了伐。

毕过闲话讲转来，日脚阿不好天天格能嘎过格，否则活了像只众生一样，来班阿要稍微弄眼像样点格物事吃吃格。格搭格店家欢喜打折头，碰到打折格辰光，我会得买只大眼格蹄膀。骨头帮皮笃汤，肉切肉丝或者切丁。格能嘎阿好混两个礼拜。另外奈，自家包点馄饨、饺子或者春卷阿是蛮赞格，人勿好懒格，特别是看了钞票格面子浪厢。看到其它便宜格副食品阿是要买点呵，像2块3kg一袋格橙，1块以下1kg格香蕉，1块600g一打格鸡蛋看到了脑子勿动阿要买格。

外国还有点好处就是物事格价钿分档次，勿像中国像煞同一类物事格价钿侪是差勿多格。Home Brand搭子Savings侪是阿拉穷学生子格毛主席！我勿晓得有铜钿人家格小人一个月开销要几乎。反正我蹲了悉尼一个号头大约摸亨不冷打加起来格闲话3000块人民币差勿多了。来班还好吃吃小老酒，呼两根香烟，呵呵！

有魔法的精灵 · 发表于 2005-12-16 20:08

提示: 作者被禁止或删除内容自动屏蔽

yanhaohao · 发表于 2005-12-16 20:19

读的我累死了。。。。。。。

freeman · 发表于 2005-12-16 20:51

原帖由 yanhaohao 于 2005-12-16 19:19 发表
读的我累死了。。。。。。。

:P:P我也是，所以没看完。。。。。。

violazen · 发表于 2005-12-16 23:46

为了证明上次做的上海话8级分数不准，我还是硬着头皮看下来了，真累，这样是要不及格的。

jjcatich · 发表于 2005-12-17 13:03

原帖由 yanhaohao 于 2005-12-16 19:19 发表
读的我累死了。。。。。。。

光读就累死啦？宁嘎写格篇文章饿宁勿比侬吃力啊？切，就写了格句闲话，我已经吃力地昏过气了喏！

yanhaohao · 发表于 2005-12-17 15:46

原帖由 jjcatich 于 2005-12-17 12:03 发表

光读就累死啦？宁嘎写格篇文章饿宁勿比侬吃力啊？切，就写了格句闲话，我已经吃力地昏过气了喏！

:lol::lol::lol:我跨越城市来抢救你？？

freeman · 发表于 2005-12-17 22:48

原帖由 jjcatich 于 2005-12-17 12:03 发表

光读就累死啦？宁嘎写格篇文章饿宁勿比侬吃力啊？切，就写了格句闲话，我已经吃力地昏过气了喏！

:lol::lol::lol:$辛苦$$辛苦$

一天到晚游的鱼 · 发表于 2005-12-18 21:11

哦哟，吃力啊，终于看光了，小宁啊真是作孽啊，书伐好好叫读，登了外面哈七八搭，哎～～～～～

宝必，系，行 · 发表于 2005-12-21 21:52

吃力死伍了～不过还是上海话最牛～因为母语是上海话而自豪

账号		自动登录	找回密码
密码			注册

有魔法的精灵有魔法的精灵当前离线积分 775 头像被屏蔽 TA的专栏	发表于 2005-12-16 20:08 \| 显示全部楼层全德超低价！Bpost比利时包裹极速体验；代收转寄免费仓储；EMS阳光清关安全可靠。提示: 作者被禁止或删除内容自动屏蔽
有魔法的精灵有魔法的精灵当前离线积分 775 头像被屏蔽 TA的专栏	Die von den Nutzern eingestellten Information und Meinungen sind nicht eigene Informationen und Meinungen der DOLC GmbH. ★★洁身自好，预防艾滋病，青少年更应该注意！★★吸烟等于自杀和谋杀★★
	回复支持反对举报

萍聚头条

做留学生的差距咋就这样大涅？ ----转贴一篇上海话写的东西

马上注册，结交更多好友，享用更多功能，让你轻松玩转社区。